Mi første studieøkt

Har idag starta, som planlagt, arbeidet med studieoppgåvene mine.
Til nå har tida gått med til å lese på Its learning. Det var faktisk spennande å opne bloggen min og sjå at fleire hadde vore inne og lagt inn kommentar.
Eg gjer meg nokre tankar om korleis eg har tenkt å bruke bloggen min. Kjem nok til å utforske meir på dette med å utforming - gjere han fin. Mest for å lære meg verktøyet - men og for at eg liker slikt. Men sjølvsagt vil hovudpoenget vere refleksjon. Refleksjon over tema for modulen og litteratur som eg les, men og reflekson over situasjon og utfordringar på arbeidsplassen min. Skal prøve å finne ein "raud tråd" og har tankar om å bruke bloggen som ein logg: Kva har eg lese? Mine tankar om det? Kva utfordringar arbeider eg med? Kva vil vere viktig for meg som leiar og korleis ev gjere det?
Av mange grunnar er det mykje som ikkje er klart for meg akkurat no Mest dette at eg skifta arbeidsplass i haust- frå ein stor 1-10 skule med mange ressursar og ein skuleeigar med god økonomi, til ein bitteliten fådelt skule ( med barnehage) der ressursane er ei utfordring kvar dag. Mykje er nytt og annleis.
Eg ser at det er samanhengar mellom skulen sin økonomi, både når det gjeld ressursar til ITansvarleg, innkjøp av naudsynt utstyr og opplæring, og kva ein i praksis får til. God vilje og kunnskap er åleine ikkje nok, ein treng utstyr som fungerer.
På skulen der eg jobbar nå, har eine læraren eit funksjonstillegg som ITansvarleg. Som skuleleiar har eg eit overordna ansvar med mange muligheiter og mange utfordringar der eg kan få til mykje - men det er også fleire ting som eg berre ikkje kan få til. Personalet er ein utruleg kjekk gjeng kvinner som ikkje eig motstand mot dette "nye". Har nå tenktå kaste meg over litteraturen, og starter med kompendiane me fekk - det lyseblå er visst det rette...